ಹುಡುಗಿ

ಹಸರ ಗಿಡದಾಗ ಅರಳಿದಾಂಗ
ಮಲ್ಲಗೀ ಮೊಗ್ಗು
ಏ ಹುಡುಗಿ, ನಿನ್ನ ಮೊಗದಾಗ
ಆ ನಗು.
ಆ ಹೂವಾ ಸುವಾಸಿನಿ ಆದರ
ನೀ ಸುಹಾಸಿನಿ
ನಿನ್ನ ನಗೀಗೆ ಸೋತು ನಾ
ಹುಚ್ಚ ಆಗೀನಿ.
ನನ್ನ ಮನಸಿನ ತುಂಬಾ ನೀನ ತುಂಬೀದಿ
ಧಾರವಾಡದ ಮಂಜಿನಂಗ
ನೆನಪ ಬಂದಾಗೆಲ್ಲ ಖುಷಿ ಕೊಡತೀ
ಧಾರವಾಡ ಫೇಡಾ ತಿಂದಂಗ.
ಪುಶ್-ಫುಲ್ ಟ್ರೇನಿನಂಗ ಜಗ್ಗತೀ ನೀ
ನನ್ನ ಮನಸ್ನ ಹಿಂದಕ-ಮುಂದಕ
ಹಿಂಗ ಆದ್ರ ಹೆಂಗ ಹೇಳ ಮುಂದ
ನನ್ನ ಬದುಕ.
ಬದಕ್ನಾಗ ಪೂರ್ತಿ ಬಂದರ ಬರುವಲ್ಲಿ ಬಿಟ್ಟರ ಬಿಡವಲ್ಲಿ
ನೀನೂ ಒಂಥರಾ ಜಿಟಿ-ಜಿಟಿ ಮಳಿಯಂಗ
ಮನಸ್ನಾಗ ಮಾತ್ರ ಅಲಗಾಡದಂಗ ನಿಂತಿ
ಯುನಿವರ್ಸಿಟಿ ಗಡಿಯಾರದ ಕಂಭದಂಗ.