ಜೊತೆ

ಬಂದೆ ನೀನು ಜೊತೆಯಾಗಿ
ಬಾಳ ದಾರಿಗೆ
ಹೆಗಲಿಗೆ-ಹೆಗಲು ಕೊಟ್ಟೆ
ಬದುಕ ಬಂಡಿಗೆ
ಕುಗ್ಗಲಿಲ್ಲ ಎಂದೂ ಹಾದಿಯ
ಕಲ್ಲು-ಮುಳ್ಳಿಗೆ
ಏರು-ಇಳಿವು ಪರವೆ ಇರದೆ
ನಿಂತೆ ನನ್ನ ಬೆನ್ನಿಗೆ
ಏನೇ ಬರಲಿ ಹೀಗೆ ಇರುವ
ಎಂದಿಗೂ ಜೊತೆ-ಜೊತೆಗೆ
ನಾನೆಂದಿಗೂ ಚಿರಋಣಿ
ಈ ನಿನ್ನ ಪ್ರೀತಿಗೆ

ಹುಟ್ಟು - Birth

ಹೆಪ್ಪುಗಟ್ಟಿದ್ದ ದುಗುಡವ
ಕರಗಿಸಿತು ಆ ಅಳುವು
ಆ ದಿನ ಹುಟ್ಟಿದ್ದು ಮೂರು ಜೀವಗಳು
ಅಮ್ಮ, ಅಪ್ಪ ಮತ್ತು ಆ ಮಗುವು

All the tension was relieved

with that sweet cry

a mother and a father were born

with the baby that day 

Pray-Prey

She pled for love in her every pray

But for his lust she was just an another prey.

ನಾಟಕ

ಈ ಬದುಕು ನಾಟಕ ರಂಗ
ನಿನ್ನ ಪಾತ್ರ ನೀ ಮರೆತರ ಹೆಂಗ
ಮಾತು-ಕುಣಿತ ಮಾಡಲೇಬೇಕು ಸೀನ್ ಬಂದ್ಹಂಗ
ಮಾಡ್ಲೇಬೇಕು ಎಲ್ಲಾ ಮಾಸ್ತರ್ ಹೇಳಿದಾಂಗ

ಕಾದಿರಿಸು ಎಲ್ಲಾ ಮುಖವಾಡಾ ಒಂದೂ ಬಿಡದಾಂಗ
ನಗೋದು-ಅಳೋದು ಹೆಂಗ ಬರುತ್ತೋ ಹಂಗ
ಮೆತ್ತು ಬಣ್ಣಾನ ಯಾರಿಗೂ ಒಳಮುಖ ಕಾಣದಾಂಗ
ಮಾಡು ನಾಟಕಾನ ಅವನಾ ಮೆಚ್ಚೋಹಂಗ

ಮೆಚ್ಚಿ ಕೈ ಮುಗಿಯೋ ಹಾಂಗ

Don't know

They kept ignoring him

Till he became rich

Now all of them adore him

Don’t know how did it switch

ಹಳೆಯ ಕರಿಯ ಕಾರು

ಆ ಹಳೆಯ ಕರಿಯ ಕಾರಿನಲ್ಲಿ
ಮರೆಯಲಾಗದ ನೆನಪುಗಳಿವೆ
ನೆನಪೇ ಕಾರಾಗಿ
ಮನದ ದಾರಿಯಲ್ಲಿ ಓಡುತಿದೆ.
ಕಂದನಾಡಿದ ಆ ಪುಟ್ಟ ಗೂಡು
ಅವಳಿಗಾಗಿ ನಾವು ಪಟ್ಟ ಪಾಡು
ನಾವು ಕೂಡಿ ಹಾಡಿದ ಹಾಡು
ನೆನಪು ಬರುತಿವೆ.
ಹೆಜ್ಜೆಗೊಂದು ಕಲಿತ ಪಾಠ
ಬದುಕು ನಮ್ಮ ಜೊತೆಯಾಡಿದ ಆಟ
ತುತ್ತು ಹಂಚಿಕೊಂಡು ಮಾಡಿದ ಊಟ
ನೆನಪು ಬರುತಿವೆ.
ನಗುತ ಇರುವ ಈ ಪುಟ್ಟ ಹೂವು
ಜೊತೆಯಲಿ ಸವಿದ ಬೆಲ್ಲ-ಬೇವು
ಇವಳು ನುಂಗಿದ ನೂರು ನೋವು
ನೆನಪು ಬರುತಿವೆ.

ಬಂದಿತೇಕೆ ಮಳೆ?

ಆ ತಿರುವಿನಲ್ಲಿ ನಿಂತು
ನಾ ಕಾದಿದ್ದು..ಅವಳಿಗೆ
ಬಂದಿದ್ದು.. ಮಳೆ!
ಬಹುಶಃ ಬರಲಾರಳು ಅವಳು ಇನ್ನು
ಬಂದಿತೇಕೆ ಮಳೆ?

ಮಳೆಹನಿ

ಮತ್ತೆ ಬಂದೆ ನೀನು ಮರಳಿ ತವರಿಗೆ
ಮುಗಿಲ ಮೋಹ ಕಳೆದು ಭೂತಾಯಿ ಮಡಿಲಿಗೆ
ಹೇಗಿತ್ತು ಪಯಣ, ಮೇಘ ಸವಾರಿ ?
ಮತ್ತೇ ಬೇಕಾಯಿತೇ ತಾಯ ಮಡಿಲು
ಬಂದೆಯಲ್ಲ ಮರಳಿ, ಗಾಳಿಯ ಬೆನ್ನೇರಿ

ಇಳೆ

ಬಂದನೋ ಬಾಲಕೃಷ್ಣ ಬಾಲಲೀಲೆ ತೋರಲು
ಒತ್ತಡದ ಈ ಬದುಕಿಗೆ ಕೊಂಚ ನೆಮ್ಮದಿಯ ನೀಡಲು
ತೊದಲುನುಡಿಯ, ತುಂಟತನದ, ಖುಷಿಯ ಎಲ್ಲೆಡೆ ಹಂಚಲು  
ಅಗಲಿದ ಪ್ರತಿಕ್ಷಣ ನೆನಪಾಗಿ ಕಾಡಲು, ಮುಗುಳುನಗೆಯ ತರಿಸಲು
ಬಂದನೋ ಬಾಲಕೃಷ್ಣ ಈ ಧರೆಗೆ ನಮಗಾಗಿ
ಇಳೆಯಾಗಿ, ನಮ್ಮ ಮಗಳಾಗಿ

ಗಣಪ

ಗಣಪನೆಂದರೆ ನನ್ನ ಮಗಳಿಗೆ ಅಚ್ಚು-ಮೆಚ್ಚು
ದೊಡ್ಡಹೊಟ್ಟೆಯೋ, ಅಗಲಕಿವಿಯೋ, ಉದ್ದಸೊಂಡಿಲೋ
ಗೊತ್ತಿಲ್ಲ ಏನು ಅದರ ಗುಟ್ಟು.
ಬಹುಶಃ ಅವನಿಗೂ ಅವಳನ್ನು ಕಂಡರೆ ಇಷ್ಟ, ಹಾಗಾಗಿಯೇ
ಕಂಡಾಗೆಲ್ಲ ’ಹಾಯ್’ ಹೇಳುತ್ತಾನೆ, ’ಅಭಯ ಹಸ್ತ’ ಬೀಸುತ್ತ.

ಭರವಸೆ

ನಿನ್ನ ಮೊಗವ ಕೈಯಲ್ಲಿ ಹಿಡಿದು ಎಷ್ಟು ದಿನವಾಯ್ತಲ್ಲೇ ಕೂಸೆ
ಆ ತುಟಿಯ ಅದೇಷ್ಟು ಮುತ್ತಿದರು ತೀರುತ್ತಿರಲಿಲ್ಲ ಆಸೆ
ಆ ಉದ್ವೇಗದಲಿ ನಾ ಕೇಳಲೇ ಇಲ್ಲ ಕ್ಷಮಿಸು, ಚುಚ್ಚುತ್ತಿತ್ತೇ ಮೀಸೆ
ಅಗಲಲಾರೆ ಇನ್ನೆಂದೂ ಇರುವೆ ಜೊತೆಗೆ, ಇರಲಿ ಭರವಸೆ

ಕೃಷ್ಣ

ಕಳ್ಳ ಎನ್ನಲೇ, ನಿನ್ನ ಸುಳ್ಳ ಎನ್ನಲೇ, ಕೃಷ್ಣಾ
ಎಲ್ಲರನು ಮರಳು ಮಾಡುವ ಮಳ್ಳ ಎನ್ನಲೇ
ಕೊಟ್ಟು ನೋಡುವೆ, ನೀ ಕಸಿದು ನೋಡುವೆ, ಕೃಷ್ಣಾ
ಕಷ್ಟದಲ್ಲಿ ಕರೆದಾಗ ಬಂದು ತಬ್ಬುವೆ, ನೀ ಬೆಳಕು ತೋರುವೆ

ದೇವರು

ಊರ ಮುಂದಿನ ಆ ಕರಿಯ ಕಲ್ಲಿಗೆ
ಅದೇನು ಅಷ್ಟು ಶಕ್ತಿ ?
ತಲೆಯಲಿ ಕೊರೆಯುವ ತರ್ಕಗಳನು ಮೀರಿ ಹುಟ್ಟಿಸುವುದಲ್ಲ ಭಕ್ತಿ!
ಮೂರ್ತವೋ, ಅಮೂರ್ತವೋ
ವ್ಯಕ್ತಿಯೊ ಅಥವಾ ಅದೊಂದು ಅದಮ್ಯ ಶಕ್ತಿ
ಭಾವವೋ, ನಂಬಿಕೆಯೋ..
ದೇವರೆಂಬುದು ನಮ್ಮ-ನಮ್ಮ ಅಭಿವ್ಯಕ್ತಿ.